شبكة سورية الحدث


بحب متل طفل بقلم لبانة هاني حسن

بحب متل طفل بقلم لبانة هاني حسن

بحب متل طفل
عم يزحف ع مهل
عم يلهف ع لهاية

متل وش مختير
عليه وقت متغير
ناطر حلا بمراية

متل ورقة بعز الخريف
عانقها غصب الرصيف 
ت يخبرا حكاية 

متل ضحك أم ملبكة
سمعت بوقتا شهقة بكي 
ل صغير حاضنتو داية 

متل سكرة ب كاس نبيت
متل لو عالصبح ما صحيت
لأنو عطلتي جاية 

متل شوق "بحب" ل الكاف 
ملبكة تصير"بحبك"..بتخاف 
يمسك العمر محاية 

متل لون الخد ع خجل
لو ضحكة غازلت شي زعل
ت تمرجحو ع كتاف 

متل ختيار عم يلعب زهر
مع كل نرد مراهن ع العمر
ت صار العمر لحاف 

متل مرتو ل الختيار 
و ولادا اللي صارو كبار
بتلمحن ع دعوة شفاف 

متل دعوة حكيتها شفة
اتخبت عن قصد ب كفي
ت تضمن ما حدا شاف 

#Lobana_hani_hasan

التاريخ - 2019-12-09 9:15 PM المشاهدات 1130

يسرنا انضمامكم لقناتنا على تيلغرامانقر هنا