شبكة سورية الحدث


كيف انضمت تولين البكري لحملة دعم الليرة السورية وماذا قالت؟

كيف انضمت تولين البكري لحملة دعم الليرة السورية وماذا قالت؟

كيف انضمت تولين البكري لحملة دعم الليرة السورية وماذا قالت؟

انضمت الفنانة تولين البكري لحملة دعم الليرة السورية التي أطلقها ناشطون لدعم الليرة معلنة تضامنها مع الحملة وقبولها بدور خلال عمل درامي مقابل أجر ليرة سورية كما أطلقت هاشتاغا #اسبوع_ع_الخبز_الحاف
#ضد_الغلاء_ورتفاع_الاسعار

وكتبت تولين البكري على صفحتها الشخصية :
#مقترح_جميل
#للغلاء المعيشي
نداء لجميع الفنانين ينضموا معي وجميع الأصدقاء يلي جاهز يعمل هالخطوة يكتب تم وفعلآ يكون قدها..
شو المانع نحنا كشعب سوري ملتعن سلاف سلافو من غلاء الاسعار وطمع التجار الي ما عم ترحم ولا بدها تشبع

اننا نعمل حملة اسبوع ع الخبز الحاف

وما نشتري ولا اي شي يعني فعلا ولا شي منشتري من اي مكان ولا لاي سبب اسبوع واحد نلتزم باننا ما نشتري شي غير الخبز

اذا الكل عم ينتقد الغلاء ويكفر بالتجار والخ
اسبوع واحد ما حدا يقعد بالكافيات ما حدا يشتري وجبات سريعه
اسبوع ما نفوت ع البقاليات ولا المولات غير لنجيب خبز

لا تخافو ع حالكن ما راح تموتو من الجوع الخبز الحاف بيعرض الكتاف هيك كانت تقول ستي الله يرحمها

اسبوع واحد نمشي حالنا بالموجود ببيوتنا

والله بعد هالاسبوع لتلاقو كلشي نزل سعرو من خضرا لفواكي للحمه لجاج للاجبان والالبان للبيض والخ

ليش ما بدكن تستوعبو انو قبولكن لهالاسعار هو الي عم يزيد طمع وجشع هالتجار ليش

خلونا هيك نوقف كلنا مع بعض بحمله وحده نلتزم فيها لنكسر هالغلاء بنهاية نحنا كمستهلكين الي عم نضرر والا تاجر مافرقاني مع رجلو عم بيضل ربحان وعم يربح اكتر واكتر

#اسبوع_ع_الخبز_الحاف
#ضد_الغلاء_ورتفاع_الاسعار

مين كفو ينشر معي متل هيك فكره تحت هاشتاغ
#اسبوع_ع_الخبز_الحاف

كما كتبت منشورا آخر علقت عليه" أنا مستعدة أشتغل فيلم أو مسلسل أو مسرحية مقابل ليرة سورية واحدة"

 

التاريخ - 2020-01-20 4:46 PM المشاهدات 267

يسرنا انضمامكم لقناتنا على تيلغرامانقر هنا