شبكة سورية الحدث


في حماة طرد لاعب فريق النواعير المحترف من منزله بسبب عدم قدرته على دفع الاجار.. والنادي" ادفع منك مافي ولا ليرة"

في حماة طرد لاعب فريق النواعير المحترف من منزله بسبب عدم قدرته على دفع الاجار.. والنادي" ادفع منك مافي ولا ليرة"

 

في ظل هذه الظروف التي تحيط بالعالم أجمع من اجراءات احترازية فرضت على الشعوب التزام بيوتهم وعدم قدرة بعض الشركات والنوادي على دفع الاجور لموظفيها أطل اللاعب محمد باش بيوك لاعب نادي النواعير في حماة على صفحته الشخصية في فيسبوك ليعلن طرده من بيته اثر عدم قدرته على دفع أجار بيته إضافة لستة لاعبين مروا بنفس ظرفه
وقال بيوك في منشوره" وهي تقلعنا من البيت بحماه وصفينا بالشارع
وأضاف
.بسم الله الرحمن الرحيم. 
يلي عم يحكي ومابعرف شو تفضل سماع انا ماعم سيئ لحدا ابدا ابدا ولا بسيئ
بلش تمرين نزلت عالتمرين وعم نتمرن بهل دنيا الحريقي
انا زلمة الي دفعة والي ٣ رواتب ونص
المهم النادي مدايق ومافي امكانية يدفعو
قعدنا واجتمعنا وبالحرف الواحد قلتلن انا دفعتي مابدي ياها مسامحكن دنيا واخرة ورواتب مابدي قالولي كتر خيرك
طلبت نص راتب فقط واجار بيت لحتى كفي هل شهرين واطلع بصورة حلوة وكون واقف مع النادي بقلولي بالمشرمحي مافي ولا ليرة بدك تضل ضل ودفاع منك وانا زلمة يادوب عايش ماعندي امكانية ادفع مني واصرف عحالي وابعت لعيلتي ولاهلي
اجت صاحبة البيت من الصبح يابتدفع يايلا من هون شو بدي اعمل انا بهيك حالة والدنيا رمضان وشهر الخير
هاد كلشي صار معي انا بشو غلطان. 
(ملاحظة ٦ لاعبين نفس حالتي)

يذكر أن الكثير من النوادي العالمية تأثرت بجائحة كورونا وكانت الخسارة بالمليارات ولكن لم يتم اتخاذ مثل هذه المواقف السلبية من اللاعبين

التاريخ - 2020-05-17 7:38 AM المشاهدات 379

يسرنا انضمامكم لقناتنا على تيلغرامانقر هنا